🔍 الحقيقة وراء ظهور (البيوس غير موثّق) في كروت الشاشة – وإمتى تقلق فعلاً ؟

 

 

لو فتحت GPU-Z وشوفت كلمة

"BIOS : Unverified"

 

جنب كارت الشاشة بتاعك ، أكيد هتسأل نفسك : 

هل الكارت ده معمول ليه فلاش بيوس ؟ هل مش أصلي ؟ هل فيه حاجة غلط ؟

 

في المقال ده هنشرح لك الموضوع ببساطة :

 يعني إيه BIOS Unverified

هل ده طبيعي ؟

وإمتى فعلًا تقلق ؟

---

💡 يعني إيه BIOS Unverified ؟

لما تستخدم برنامج GPU-Z وتعمل "Lookup" للكارت ، البرنامج بيحوّلك لموقع TechPowerUp ،
وهناك ممكن تلاقي مكتوب إن الـ BIOS غير موثّق (Unverified) .

وده معناه ببساطة :

البيوس اللي موجود في الكارت مش ضمن النسخ اللي فريق TechPowerUp
راجعها يدويًا ، لكن ده لا يعني إطلاقًا إن الكارت فيه مشكلة أو تم تعديله .

---

🛠️ ليه ده بيحصل أصلًا ؟

 

📌 في حالات كتير طبيعية ممكن يظهر فيها الحالة دي :

 

- الشركة المصنعة نزلت تحديث BIOS جديد ولسه ما اتأرشَفش في قاعدة بيانات TechPowerUp

- الكارت من إصدار خاص أو موجه لأسواق معينة

- أو ببساطة نسخة BIOS سليمة لكن ما تمش التحقق منها يدويًا

---

❌ إمتى تقلق فعلًا ؟

ابدأ تشك لو لاحظت الحاجات دي :

- اسم الكارت في GPU-Z مختلف عن اللي مكتوب على الكرتونة أو الكارت

- ترددات أو فولت الكارت مختلفة عن المواصفات الرسمية

- الكارت بيعمل مشاكل : تهنيج – شاشات سوداء – حرارة غير طبيعية – ضعف في الأداء

---

✅ لكن غير كده ؟ متقلقش خالص !

✔️ ظهور BIOS "Unverified" مش معناه إن الكارت مش أصلي

✔️ وده بيحصل حتى في كروت سليمة 100% ومجربة

✔️ وموقع TechPowerUp نفسه بيقول كده بوضوح